Spread the love

Ubutegetsi bwa Algeria bwongeye kuba intandaro y’impaka nyuma yo kurwanya amatora ya AU yahaye u Rwanda uburenganzira bwo kwakira ikigo cy’ubuvuzi cya Afurika nyamara yari yakoze ibishoboka ngo itsinde bikaba impfabusa.

Ku wa Gatandatu, mu nama ya 41 ya Komite Nyobozi y’Umuryango wa Afurika Yunze Ubumwe (A.U) yabereye i Lusaka, muri Zambia, mu bihugu bya Afurika hatowe u Rwanda ngo rwakire icyicaro cy’Ikigo Nyafurika gishinzwe Imiti (AMA).

Ariko, biravugwa ko ibyavuye mu matora byatunguye ubutegetsi bwa Algeria, bwakoze ibishoboka byose kugira ngo bubiteshe agaciro buvuga ko Algeria ari yo yari kuba icyicaro gikuru cy’kigo Nyafurika gishinzwe Imiti kuruta “igihugu gito” kandi gikennye cyane cyo muri Afurika y’Iburasirazuba nk’u Rwanda.

Nyuma y’amajwi menshi ashyigikiye icyifuzo cy’u Rwanda cyo kuba icyicaro cy’Ikigo Nyafurika cy’Imiti, ibitangazamakuru byo muri Algeria byavuze ko kunanirwa kwa Algeria “kwatewe na lobbying zikomeye” zirwanya kandidatire y’iki gihugu cyo muri Afurika y’Amajyaruguru.

“Twatsinzwe mu cyiciro cya nyuma. Habayeho kurwanya cyane kandidatire ya Algeria. ”

Hagati aho, ikinyamakuru cyo muri Algeria cyagiye kure cyane kibaza ku bushobozi bw’u Rwanda bwo kwakira icyo kigo, kirusobanura ko ari “igihugu gito” cyo muri Afurika y’Iburasirazuba gifite “ubukene bwa 55%.”

Iki kinyamakuru kitwa TSA cyakomoje ku nganda z’imiti yo muri Algeria “ziteye imbere,” cyongeraho ko Algeria ari yo yari mu mwanya mwiza wo kwakira icyicaro cy’Ikigo Nyafurika cy’Imiti.

Mu gusubiza, ikinyamakuru cyo muri Senegali, Senego, cyatangaje ko kuba Algeria yanze icyemezo cya Komite Nyobozi ya AU yashyigikiye u Rwanda bivuze byinshi ku bijyanye n’agasuzuguro k’ubutegetsi bwa Algeria ndetse n’ijambo yari ifite muri dipolomasi rigenda rigabanyuka ku ruhando mpuzamahanga.

Iki kinyamakuru cyo muri Senegal kivuga kuri Algeria cyagize kiti: “Iki gihugu, kiri mu kato, ntigishobora kugira uruhare mu cyemezo cyigenga cy’ibihugu bya Afurika nubwo cyakoze ubushabitsi mu Kanama Nshingwabikorwa i Lusaka.”

Iki kinyamakuru cyakomeje kunenga ubutegetsi bwa Algeria kubera ko bwagerageje “gushishikariza u Rwanda gutanga umwanya wa mbere ku rutonde,” kivuga ko uko kugerageza kwateje “gutangara n’uburakari mu bitabiriye iyi nama.”

Senego yatangaje ko kugira ngo ishimute ibyavuye mu matora, Algeria yiyemeje gutanga amafaranga miliyoni 200 z’amadolari y’Amerika ndetse no kwita ku mafaranga yose icyicaro gikuru cya AMA kizakoresha mu myaka ibiri ibanza kugira ngo izatorwe.

Mu byagaragaye nko kurenga ku buryo bugaragara ku ndangagaciro z’ububanyi n’amahanga, Minisitiri w’ububanyi n’amahanga wa Algeria, Ramtane Lamamra, ngo yaba yarahaye intumwa z’u Rwanda “ubuyobozi rusange” mu kigo cy’imiti cy’umugabane wa Afurika, kugira ngo u Rwanda rukuremo kandidatire yarwo hasigaremo Algeria, icyafashwe nk’igitutsi ku bari bahagarariye ibihugu bya Afurika.

Leave a Reply

Your email address will not be published.