Spread the love

Uyu munsi Abanyarwanda n’abatuye Isi yose muri rusange baribuka Jenoside yakorewe Abatutsi mu 1994, hanatangira icyumweru cy’icyunamo.Automatic word wrap

Mu Rwanda, gahunda zo kwibuka zirabera mu midugudu yose; ku rwego rw’Igihugu bikaba bibera ku Rwibutso rwa Kigali ku Gisozi.

Minisiteri y’Ubumwe bw’Abanyarwanda n’inshingano mboneragihugu (MINUBUMWE), yatangaje ko Kwibuka ku nshuro ya 28 Jenoside yakorewe Abatutsi, bizakorwa nk’uko byakorwaga mbere, ariko hubahirizwa amabwiriza yo kwirinda Covid-19 ndetse imihango ngo ntizarenza amasaha abiri.

Mu midugudu yose igize igihugu, guhera saa tatu za mu gitondo, abaturage barahabwa ikiganiro, nyuma yabyo bungurane ibitekerezo hashingiwe ku kiganiro bahawe, bibanda ku miterere y’aho batuye.

Saa sita z’amanywa nizigera, abaturage barakurikira ubutumwa nyamukuru buratangwa kuri radio na televiziyo, nyuma y’ubwo butumwa, abaturage barasubira basubira muri gahunda zabo zisanzwe.

Abanyarwanda barasabwa gukomeza kwirinda ingengabitekerezo ya Jenoside, kuko ari inshingano ya buri wese, kandi utabyubahirije akaba abihanirwa n’amategeko kuko ari icyaha.

Leave a Reply

Your email address will not be published.