Spread the love

Guverinoma y’u Rwanda yifatanyije mu kababaro na Uganda nyuma y’urupfu rw’uwari Perezida w’Inteko Ishinga Amategeko y’iki gihugu rwabaye ku Cyumweru.

Ubutumwa bwanyujijwe ku rubuga rwa twitter rwa Ambasade y’u Rwanda muri Uganda kuri uyu wa Kabiri mu gitondo, buvuga ko Guverinoma y’u Rwanda yihanganisha Guverinoma n’abaturage ba Uganda by’umwihariko umuryango wa Hon. Jacob Oulanyah.

Urupfu rwa Hon. Jacob Oulanyah rwatangajwe na Perezida Museveni ku Cyumweru tariki 19 Werurwe 2022. Uyu mugabo wari ufite imyaka 56 yari amaze iminsi yivuriza mu Mujyi wa Seattle muri Leta zunze ubumwe za Amerika.

Hon. Jacob Oulanyah yari Perezida w’Inteko Ishinga Amategeko ya Uganda wa 11, uyu mwanya akaba yari awumazeho hafi amezi 10.

Leave a Reply

Your email address will not be published.