Spread the love

Abana babiri b’Abanyekongo b’imyaka 15 na 16 bafatiwe ku mupaka w’u Rwanda na Repubulika ya Demokarasi ya Congo ku Cyumweru gishize bagafungirwa ku Gisenyi nk’uko duherutse kubibagezaho mu nkuru yacu iheruka, biravugwa ko bamaze kurekurwa bagasubira iwabo.

Amakuru dukesha Radio Okapi aravuga ko abo bana barekuwe kuri uyu wa Gatatu ushize neza tukimara kubagezaho inkuru y’ifatwa ryabo.

Sosiyete Sivile ya Nyiragongo yari yatabarije aba bana bafashwe baragiye ihene ariko barenze umupaka, iravuga ko aba bana batashye banyuze ku mupaka wa grande barrière.

Aba bana bakaba basubiye mu miryango yabo ituye mu mudugudu wa Kisheke, Gurupoma ya Kibati muri Teritwari ya Nyiragongo. Nta makuru arambuye ariko yatanzwe ku byakozwe kugirango barekurwe.

Leave a Reply

Your email address will not be published.