Spread the love

Perezida w’u Bufaransa, Emmanuel Macron, yashinje ibihugu byo ku mugabane wa Afurika kugaragaza uburyarya ku ‘ntambara’ iri kubera muri Ukraine kuva muri Gashyantare 2022.

Uyu Mukuru w’Igihugu yashinje ibi bihugu ubwo yari mu kiganiro n’abanyamakuru muri Cameroon, ubwo yahagiriraga uruzinduko rw’akazi rugamije gushimangira umubano w’impande zombi.

Macron yavuze ko ibihugu bya Afurika byagaragaje uburyarya, bihakana ko ibikorwa bya gisirikare u Burusiya bukomeje muri Ukraine ari intambara bwashoje.

Tariki ya 2 Werurwe 2022 ubwo hari hashize iminsi mike u Burusiya butangije ibitero muri Ukraine, ibihugu bigize Umuryango w’Abibumbye (UN) byakoze itora rigamije kwamagana u Burusiya, bibushinja ubushotoranyi.

Icyo gihe ibihugu 17 byo muri Afurika byarifashe, ibigera kuri 23 byamagana u Burusiya, 7 ntibyitabiriye, Eritrea iba igihugu kimwe cyo kuri uyu mugabane cyabushyigikiye.

Leave a Reply

Your email address will not be published.