Spread the love

Abategetsi bo muri Leta ya Zamfara mu majyaruguru ashyira uburengerazuba bwa Nigeria bategetse ko mu turere dutatu, umuntu wese uzagaragara ari kuri moto, yaraswa hagamije kumwica mu rwego rwo guhangana naba rushimusi.Automatic word wrap

Guverineri wa Leta ya Zamfara, Bello Matawalle, yategetse ko “amasoko afungwa mu turere dutatu, abuza ikoreshwa rya za moto n’ubucuruzi bw’ibikomoka kuri peteroli.”

Muri utwo turere, yatanze itegeko ryo kurasa hagamijwe kwica ku muntu uwo ari we wese uzabonwa ari kuri moto nk’uko BBC yabitangaje.

Yanavuze ko azatanga imbunda zibarirwa mu magana ku bantu batahawe imyitozo yo kuzikoresha, anategeka umukuru wa polisi gutanga impushya (ibyangombwa).

Ni mu rwego rwo kugerageza gucyemura ikibazo cy’umubare ukomeje kwiyongera w’abantu bashimutwa hamwe n’ibitero byicirwamo abantu.

Nigeria irimo kugorwa no guhagarika inkubiri y’ibikorwa by’ubushimusi bukorwa hagamijwe gusaba ingwate mbere yuko abafashwe barekurwa, bikorwa n’ibico byitwaje intwaro mu majyaruguru y’igihugu.

Ibyo bico akenshi byibasira ahantu h’icyaro hatarinzwe, amashuri hamwe n’abatwara moto mu mihanda minini.

Leave a Reply

Your email address will not be published.