Spread the love

Umutwe witwaje intwaro wa M23 umaze icyumweru ufashe umujyi wa Bunagana, wamaze gufungura umupaka waho uhuza Repubulika ya Demukarasi ya Congo (RDC) na Uganda.

Nk’uko M23 yabitangaje, iki gikorwa cyayobowe n’Umuvugizi wayo, Major Willy Ngoma mu gitondo cy’uyu wa 20 Kamena 2022.

Muri videwo y’amasegonda 51, Maj. Ngoma agaragara ahagaze imbere y’ibiro by’abinjira n’abasohoka kuri uyu mupaka, ku rundi ruhande hagaragara abaturage benshi bategereje gutaha.

Tariki ya 13 Kamena 2022 ni bwo abarwanyi ba M23 bafashe umujyi wa Bunagana. Abasirikare benshi ba RDC hamwe n’abaturage bahungiye muri Uganda.

Kuva ubwo ibikorwa byo ku mupaka byarahagaze ndetse amakamyo aturuka Uganda yinjira muri RDC yarahagaze ku mpamvu y’umutekano.

Kuri ubu, M23 yemeza ko ibikorwa byo ku mupaka birongera gukora nk’uko byari bisanzwe, kandi ngo irarinda umutekano w’abaturage batashye.

Leave a Reply

Your email address will not be published.