Spread the love

Guverinoma y’u Rwanda yongeye koroshya ingamba zo kwirinda icyorezo cya COVID-19, ikuraho ibwirizwa ryo kwambara agapfukamunwa nyuma y’imyaka irenga itatu kukambara ari itegeko.

Icyemezo cyo gukuraho itegeko ryo kwambara agapfukamunwa cyafatiwe mu nama y’abaminisitiri yateranye kuri uyu wa Gatanu tariki ya 13 Gicurasi.

Umwanzuro wa gatatu w’ibyemezo by’iyi nama uvuga ko “ntibikiri itegeko kwambara agapfukamunwa.”

Uyu mwanzuro ukomeza uvuga cyakora cyo abantu bashishikarizwa kwambara agapfukamunwa igihe bari ahantu hafunganye kandi hahuriye abantu benshi, abaturage bakangurirwa kandi gukomeza kwipimisha kenshi no kubahiriza ingamba zo kwirinda Covid-19.

Kwambara agapfukamunwa mu Rwanda byari itegeko kuva muri Werurwe 2020, ubwo icyorezo cya COVID-19 cyagaragaraga bwa mbere mu Rwanda.

Leave a Reply

Your email address will not be published.