Spread the love

Umuvugizi wa M23, Maj. Willy Ngoma, avuga ko Ingabo za Repubulika Iharanira Demukarasi ya Congo (FARDC) zagabagabyeho ibitero mu gitondo cyo kuri uyu wa 28 Kamena 2022, ku birindiro biri mu duce twa Sabyinyo, Visoke.Automatic word wrap

Hari amakuru ko imirwano ikomeye iri kubera Tchanzu na Bukima mu rukerera rwo kuri uyu wa kabiri, abarwanyi bayobowe na Lt Col Malius batangije imirwano mu bice bya Tchanzu ni muri gurupoma ya Jomba.

Andi makuru avuga ko abarwanyi ba FDLR babarizwa muri Batayo CRAP yitwa Abazungu bakuriwe na Major Inkodosi bateye ahitwa Bukima ku birindiro bya M23,ibisasu bikaba bikomeje gusukwa mu misozi ya Tchanzu na Runyoni.

Maj. Willy Ngoma yatangarije KIBERINKA ko batewe na FARDC mu birindiro byabo bitandkanye.

Yagize ati ” Nibyo koko twatewe na FARDC mu rukerera mu birindiro byacu mu bice bya Jomba. Turirwanaho kandi tubikore neza cyane. Bateye ku birindiro byacu mu mpande za Sabyinyo, Visoke ariko twababereye ibamba.”

Hari amakuru avuga ko iyi mirwano igamije kwigarurira Umujyi wa Bunagana, kuri ubu ugenzurwa na M23.

 

Leave a Reply

Your email address will not be published.