Spread the love

Igikomangoma cy’ubwami bw’u Bwongereza, Charles hamwe n’umugore wacyo, Camilla, baragera i Kigali kuri uyu wa 21 Kamena 2022, baje kwitabira inama y’abakuru b’ibihugu na guverinoma zo mu muryango Commonwealth.

Ibiro by’iki gikomangoma, Clarence House, bimaze kubyemeza biti: “Igikomangoma n’umufasha baragera i Kigali uyu munsi mu nama y’abakuru ba guverinoma. #CHOGM2022 ihuza abayobozi bo mu bihugu 54 bigize Commonwealth izashimangira amahame ahuriweho kandi yumvikaniremo gahunda zo guteza imbere imibereho y’abaturage bayo miliyari 2.5.»

Abaturuka mu Bwongereza bategerejwe mu Rwanda barimo kandi Minisitiri w’Intebe, Boris Johnson n’umugore we, Minisitiri ushinzwe Commonwealth, Umunyamabanga ushinzwe ububanyi n’amahanga, n’abandi, gusa bo igihe bazagerera i Kigali ntikiramenyekana.

Igikomangoma Charles kizaba kiri mu muhango wo gutangiza ku mugaragaro CHOGM tariki ya 24 Kamena, nk’umushyitsi mukuru, aho kizaba gihagarariye Umwamikazi Elizabeth II.

Leave a Reply

Your email address will not be published.