Spread the love

Umugaba w’ingabo z’u Rwanda zirwanira ku butaka, Lt Gen. Mubarakh Muganga, guhera kuri uyu wa 21 Werurwe 2022 ari muri Leta Zunze Ubumwe za Amerika (USA), aho yitabiriye inama imuhuza na bagenzi be bahuje inshingano baturutse mu bihugu birenga 40 byo ku mugabane wa Afurika.

Ubwo iyi nama yari imaze gutangizwa ku mugaragaro, Gen. Muganga yagiranye ikiganiro na Maj. Gen. Andrew M. Rohling uyobora ingabo za USA zikorera mu majyepfo y’umugabane w’u Burayi no muri Afurika.

Iki kiganiro cyarebagana n’ubufatanye bw’ingabo z’ibihugu byombi mu kubaka ubushobozi bwazo, n’ibindi bifite aho bihuriye, nk’uko Minisiteri y’Ingabo z’u Rwanda imaze kubitangaza.

Iyi nama iri kubera muri Colombus Ironworks Convention Center, muri Leta ya Georgia, mu gihe ibiganiro byateganyijwe ku munsi birangiye, aba basirikare bayitabiriye bari kujya gukurikirana imyitozo y’ingabo za USA mu kigo cya Fort Benning kihegereye.

Biteganyijwe ko iyi nama izarangira tariki ya 25 Werurwe 2022.

Leave a Reply

Your email address will not be published.