Spread the love

Umukinnyi w’umupira w’amaguru wa Manchester United n’ikipe y’igihugu ya Portugal, Cristiano Ronaldo, yatangaje ko uruhinja rw’umuhungu yabyaranye na Georgina Rodriguez rwapfuye mu gihe rwavukaga.

Mu butumwa amaze kunyuza ku mbuga nkoranyambaga ze, uyu mukinnyi ufatwa nk’uwa mbere ukomeye ku Isi, yatangaje kuri uyu wa 18 Mata 2022 ati: “N’akababaro kenshi turabamenyesha ko uruhinja rwacu rw’umuhungi rwapfuye uyu munsi. Ni ububabare buri mubyeyi ashobora kumva.”

Uyu mukinnyi yaboneyeho gushimira abaganga n’abandi bahanga bakoze iyo bwabaga kugira ngo barokore ubuzima bw’uyu mwana, n’ubwo bitabashobokeye.

Ati: “Muhungu wacu, uri Malayika wacu. Tuzahora tugukunda.”

Ubwo yari amaze gutsindira Manchester United ibitego 3 ku mukino wabahuje na Norwich City tariki ya 16 Mata 2022, Cristiano yishimiye igitego agaragaza ko yitegura umwana, ashyira balo (ballon) ku nda munsi y’umupira we nk’uko bigaragara mu ifoto iri hejuru.

Icyakoze urundi ruhinja rw’umukobwa rwavukanye n’uyu muhungu rwo rwashoboye kubaho. Cristiano avuga ko we n’umugore we rwabahaye icyizere cyo gukomera. Ati: “Kuvuka k’umukobwa wacu rwaduhaye icyizere cyo gukomera muri ibi bihe, mu cyizere no mu byishimo.”

Leave a Reply

Your email address will not be published.