Spread the love

Mu nama ya 21 y’abakuru b’ibihugu bigize Umuryango w’ubukungu w’ibihugu byo muri Afurika yo hagati (CEEAC) yateraniye i Kinshasa kuri uyu wa Mbere, ikibazo cy’intambara hagati y’umutwe wa M23 n’ingabo za Repubulika ya Demokarasi ya Congo cyagarutsweho, aho uyu mutwe wasabwe kuva mu Mujyi wa Bunagana umaze igihe wigaruriye.

Mu ijambo rye ritangiza iyi nama, Perezida Félix Tshisekedi yagaragaje ko ababajwe n’amakimbirane yongeye kuba hagati yaRepubulika ya Demokarasi ya Congo n’u Rwanda ashinja gutera inkunga uyu mutwe nubwo u Rwanda rudahwema kubihakana.

Mu itangazo rya nyuma ryemeza imirimo y’iyi nama, Abakuru b’ibihugu mu byo basabye, ku bijyanye n’amakimbirane hagati ya Repubulika ya Demokarasi ya Congo n’u Rwanda, harimo kubahiriza inzira yo kuva kwa M23 mu bice yigaruriye muri Bunagana, mu Ntara ya Kivu y’Amajyaruguru nk’uko tubikesha Mediacongo.net.

Yifashishije ayo mahirwe, Perezida Félix Tshisekedi yasabye kandi inkunga ya bagenzi be mu gushyigikira kandidatire ya Dr. Kaseya ku buyobozi bw’Ikigo Nyafurika gishinzwe kugenzura ibyorezo no kubikumira, CDC / Afrique.

Leave a Reply

Your email address will not be published.