Spread the love

Mu gihugu cy’u Burundi hagiye gushyirwaho itegeko rizahana abazahakana ko muri iki gihugu habaye jenoside yakorewe Abahutu mu 1972 mu gihe itaremezwa ku rwego mpuzamahanga.

Ibi byatangajwe kuwa Kane ushize na Pierre Claver Ndayicariye, ukuriye urwego rushinzwe ukuri no guhuza Abarundi (CVR) ubwo yari mu Ntara ya Gitega aho CVR yagiranye ikiganiro n’abanyeshuri bo muri Seminari Nkuru ya Gitega, asobanura ibyo uru rwego rumaze kugeraho.

Ndayicariye yari abajijwe ikibazo kijyanye no kumenya niba CVR ifite uburenganzira bwo kwita ubwicanyi bwabaye mu 1972 Jenoside yakorewe Abahutu, asubiza ko kwita izina bigira inzira binyuramo nk’uko iyi nkuru dukesha UBMNews ivuga.

Kuri we, ngo inzira ya mbere nuko CVR yita izina ibyabaye, iya kabiri, nuko iryo zina rihita ryemezwa n’inteko ishinga amategeko. Ubwa gatatu, ngo ni ishyirwaho ry’amategeko ahana abantu bahakana ko habaye itsembabwoko ryakorewe Abahutu mu 1972.

Ngo intambwe ya nyuma nuko iryo zina rihita riganirwaho mu kanama k’umutekano k’Umuryango w’Abibumbye.

Leave a Reply

Your email address will not be published.