Spread the love

Minisitiri w’Intebe w’u Bwongereza, Boris Johnson, n’umugore we Carrie Johnson bageze i Kigali, baje kwitabira inama y’abakuru b’ibihugu na za guverinoma bigize umuryango Commonwealth.

Ku kibuga cy’indege mpuzamahanga cya Kigali muri iki gitondo, Boris yakiriwe n’Umunyamabanga wa Leta muri Minisiteri y’ububanyi n’amahanga n’ubutwererane, Prof. Nshuti Manasseh, hamwe na Ambasaderi w’u Bwongereza mu Rwanda, Omar Daair.

Uyu Mukuru wa guverinoma ageze mu Rwanda akurikiye Igikomangoma cy’u Bwongereza, Charles n’umugore we Camilla, bageze mu Rwanda tariki ya 21 Kamena 2022.

Muri iyi nama, byitezwe ko hazaba harimo n’abandi ba Minisitiri bo mu Bwongereza barimo ushinzwe Commonwealth n’ushinzwe ububanyi n’amahanga, abadepite n’abahagarariye imiryango iharanira inyungu za rubanda.

Boris yageze i Kigali ari kumwe n’umugore we, Carrie

Leave a Reply

Your email address will not be published.