Spread the love

Umunyamabanga wa Leta zunze ubumwe za Amerika (USA), Antony Blinken ashobora kuba ateganya gusura u Rwanda na Repubulika ya Demukarasi ya Congo (RDC) mu kwezi gutaha.

Ikinyamakuru Jeune Afrique kuri uyu wa 27 Nyakanga 2022 cyatangaje ko amakuru gikesha abo muri USA na RDC, avuga ko Blinken azasura ibi bihugu hagati mu kwezi kwa Kanama, uyu mwaka.

Uru ruzinduko rwa mbere mu karere k’ibiyaga bigari Blinken yaba agiye kuhagirira nk’Umunyamabanga wa USA, rwaba rugiye kubaho mu gihe u Rwanda na RDC bitabanye neza.

Ni nyuma y’aho kandi iki kinyamakuru gitangaje inkuru y’ubucukumbuzi, isobanura uburyo Leta ya RDC ikomeje kwiyegereza inzego zikomeye zo muri USA, zirimo inteko ishinga amategeko kugira ngo zemeze ko u Rwanda rufasha umutwe witwaje intwaro wa M23.

RDC kandi ngo yifuza ko inteko ishinga amategeko ya USA n’ubutegetsi bw’iki gihugu muri rusange, byemeza ko M23 ari umutwe w’iterabwoba.

Leave a Reply

Your email address will not be published.