Spread the love

Minisiteri y’ububanyi n’amahanga ya Senegal yatangaje ko itangazo rya ambasade ya Ukraine rihamagarira abakorerabushake n’abacancuro kwiyandikisha kujya kurwanya Uburusiya ari igikorwa kinyuranyije n’amategeko.

Russia Ukraine updates: Reports suggest Russia will invade Ukraine on Wednesday

Iryo tangazo ryashyizwe kuri Facebook kuwa kane risaba amazina, e-mail, n’uburambe runaka mu by’igisirikare ryashyizwe kuri page Facebook ya ambasade ya Ukraine i Dakar.

Iryo tangazo risaba “abanyamahanga” bifuza kujya “gufasha” Ukraine mu ntambara irimo kwiyandikisha, kandi ntiryarebaga abanya-Senegal gusa ahubwo n’abo muri Côte d’Ivoire, Guinée, n’ibindi byo muri ako karere.

Minisiteri y’ububanyi n’amahanga ya Senegal yatangaje ko gushakisha abakorerabushake, n’abacancuro b’intambara, bitemewe kandi bihanwa n’itegeko.

Yurii Pyvovarov, ambasaderi wa Ukraine i Dakar yahamagajwe n’iyo minisiteri gutanga ibisobanuro kuri iryo tangazo.

Nyuma yo kugenzura ibijyanye n’amategeko abigenda, ambasaderi yasabwe gukuraho iryo tangazo, nk’uko iyo minisiteri ibivuga.

Russia may invade Ukraine any day, US warns citizens to leave country Putin Biden talks | World News – India TV

Senegal iri mu bihugu 17 bya Africa byatoye ko ntaho bihagaze ku mwanzuro wo kwamagana ibitero by’Uburusiya muri Ukraine no kubushyira mu kato muri diplomasi y’isi.

Ku cyumweru, Perezida Zelensky wa Ukraine yavuze ko bari gushyiraho uburyo bwo kwakira abanyamahanga bashaka kujya gufasha icyo gihugu.

Zelensky yagize ati: “Umuntu wese Iburayi no ku isi, ushaka kuza mu ngabo zacu yaza agahagararana n’abanya-Ukraine mu kurwanya abaduteye.”

Leave a Reply

Your email address will not be published.