Spread the love

Abasirikare babarirwa mu 7,200 ba Ukraine ni bo bamaze kuvurirwa irengero kuva iki gihugu cyisanze mu ntambara n’u Burusiya, nk’uko byatangajwe n’Umuvunyi mukuru w’iki gihugu, Oleh Kotenko.

Yavuze ko abenshi muri aba basirikare bari mu maboko y’Ingabo z’u Burusiya, nk’uko yabitangarije Televiziyo yitwa Suspilne TV.

Umuvunyi mukuru muri Ukraine yavuze ko ku ikubitiro Igisirikare cya Ukraine cyari cyatangaje ko abasirikare bacyo bagera ku 2,000 ari bo bari baburiwe irengero, gusa akavuga ko muri iyi mibare minini harimo ingabo zishinzwe umutekano w’igihugu (Garde Nationale), izishinzwe kurinda imipaka ndetse n’abakozi bo mu rwego rw’umitekano.

Yunzemo ati: “Ikigo cyacu gishinzwe kwakira abahamagara ku materefone gifite abagera ku 7,200.”

Yavuze ko yizeye ko u Burusiya bugomba kubarekura nk’imfungwa z’intambara bagasubizwa iwabo.

Kugeza ubu yaba Igisirikare cy’u Burusiya cyangwa icya Ukraine nta ruhande ruragira icyo rutangaza kuri iki kibazo.

Impande zombi icyo zihurizaho ni uko buri rumwe ruvuga ko rwafashe mpiri ibihumbi by’abasirikare b’urundi kuva ibihugu byombi byisanze mu ntambara kuva ku wa 24 Gashyantare 2022.

Leave a Reply

Your email address will not be published.