Spread the love

Ingabo za Angola kuri uyu wa Kabiri zagose zinafunga umupaka uhuza iki gihugu na Repubulika Iharanira Demokarasi ya Congo uherereye mu gace ka Kamako.

Kamako ni agace gaherereye mu ntara ya Kasaï yo hagati ihana imbibi na Angola.

Impuruza yo kuba bariya basirikare ba Angola bagose uriya mupaka yatanzwe na Guy Mafuta, umudepite ku rwego rw’igihugu muri RDC.

Uyu yavuze ko Ingabo za Angola zafashe kiriya cyemezo, nyuma y’iyirukanwa ry’abasirikare b’iki gihugu bari bafatiwe ku butaka bwa RDC.

Depite Guy Mafuta yavuze ko aba basirikare bari binjiye muri Congo bakurikiyeyo abo yise “abagore b’abahinzi b’abanye-Congo bafite amasambu akoze kuri Angola.”

Yavuze ko ku bw’ibi, “igisirikare cya Angola cyagose umupaka”.

Yunzemo ati: “Ni ngombwa gukemura iki kibazo hagati y’abaturanyi burundu. Abanya-Angola na bo bahisemo kwirukana Abanye-Congo mu buryo budasanzwe. Umupaka wafunzwe, nta rujya n’uruza rw’ibicuruzwa by’ibanze ku baturage bo muri kariya gace ruri kubaho. Ni ikibazo!”

Kugeza ubu nta ruhande ruragira icyo ruvuga kuri iki kibazo, yaba Congo cyangwa Angola.

Leave a Reply

Your email address will not be published.